काठमाडौं। सत्तारुढ राष्ट्रिय स्वतन्त्र पार्टी (रास्वपा)को जिल्ला अधिवेशन आजदेखि सुरु हुँदै छन्। रास्वपाले ७७ वटै जिल्लामा तदर्थ समिति गठन गरिसकेको छ।
तदर्थ समिति बने पनि हिमाली जिल्ला मनाङ र मुस्ताङमा भने अधिवेशन नगरिने रास्वपाले जनाएको छ। ती जिल्लामा वडा र पालिकाको समेत अधिवेशन गरिएको थिएन।
कुनै जिल्लामा ३० प्रतिशत पालिकाको अधिवेशन सकिए जिल्ला अधिवेशन गर्न सकिने गरी पार्टीले निर्णय लिएको थियो। आज र भोलि जिल्ला अधिवेशन गरेर जेठ २६ देखि असार १ सम्म प्रदेश अधिवेशन गर्ने रास्वपा कार्यतालिका छ।
रास्वपाको प्रथम महाधिवेशन चितवनमा आगामी असार ७ देखि ९ सम्म हुने कार्यतालिका छ।