धनगढी! हाल देशभर मनसुनी वायुको प्रभाव रहेको छ। देशभर आंशिकदेखि सामान्य बदली रही प्रदेश नं १, वागमती, लुम्बिनी र गण्डकी प्रदेशका केही स्थानहरुमा हल्का वर्षा भइरहेको छ।
आज सुदूरपश्चिममा वर्षाको सम्भावना रहेको मौसम पूर्वानुमान महाशाखाले जनाएको छ। महाशाखाले शनिबार जारी गरेको बुलेटिन अनुसार सुदूरपश्चिम प्रदेशका केही स्थानहरुमा हल्कादेखि मध्यम वर्षाको सम्भावना रहेको हो। आज देशका पहाडी भू-भागका धेरै स्थानहरुमा हल्कादेखि मध्यम वर्षाको सम्भावना रहेको र तराई क्षेत्रका केही स्थानमा हल्का वर्षाको सम्भावना रहेको बुलेटिनमा उल्लेख छ।