धनगढी ! कैलालीको धनगढी उपमहानगरपालिका-२ वडा कार्यालयको आयोजनामा महिला स्वयंसेविकालाई साईकल तथा अपांगता व्यक्तिहरुलाई पंखा वितरण गरिएको छ ।
शुक्रबार वडा कार्यालयको वार्षिक कार्यक्रम अन्तर्गत वडा कार्यालयको सभाहलमा एक कार्यक्रमको आयोजना गर्दै महिला स्वयंसेविकालाई साईकल तथा अपांगता व्यक्तिहरुलाई पंखा वितरण गरिएको हो ।
कार्यक्रममा १० जना महिला स्वयंसेविकालाई साईकल र ४५ जना अतिअशक्त अपांगता व्यक्तिहरुलाई पंखा वितरण गरिएको धनगढी-२ का वडाध्यक्ष धर्मराज ओझाले जानकारी दिनुभयो।
धनगढी-२ का वडाध्यक्ष धर्मराज ओझाको सभाध्यक्ष तथा नगर प्रमुख गोपाल हमालको प्रमुख आतिथ्य रहेको कार्यक्रममा बिशिष्ट आतिथ्यमा उप प्रमुख कन्दकला राना रहनुभएको थियो । त्यस्तै अतिथीमा विभिन्न व्यक्तित्वहरु आसिन हुनुहुन्थ्यो ।