काठमाडौं । विभिन्न देशका लागि सरकारले सिफारिस गरेका १७ राजदूतहरुका विषयमा कुनै गुनासा भए उजुरी दिन सार्वजनिक आह्वान गरिएको छ ।
संघीय संसद् अन्तर्गतको संसदीय सुनुवाइ समितिले आज सूचना जारी गर्दै दस दिनभित्र उजुरी दिन भनेको हो ।
सरकारबाट सिफारिस भई १७ राजदूतको संसदीय सुनुवाइका लागि समितिमा पत्र आएको जनाउँदै समितिले उनीहरुलाई राजदूतमा नियुक्त गर्न उपयुक्त छैन भन्ने कसैलाई लागेमा उजुरी दिन आह्वान गरेको हो।