काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड गत पुस १० गते प्रधानमन्त्रीमा निुयुक्त भए । त्यसपछि उनले ८ सदस्यीय मन्त्रिमण्डल विस्तार गरेका छन् । एमालेसहितको ७ दलको समर्थनमा उनी प्रधानमन्त्रीमा नियुक्त भएका हुन् ।
प्रचण्ड नेपालको संविधानको धारा ७६ को उपधारा (२) बमोजिम प्रधानमन्त्रीमा नियुक्त भएका हुन् ।
त्यस्तै संविधानको उपधारा (४) बमोजिम प्रधानमन्त्री प्रचण्डले ३० दिनभित्र प्रतिनिधिसभाबाट विश्वासको मत लिनुपर्ने प्रावधान छ । सोही प्रावधान अनुसार प्रधानमन्त्रीले आज संसदबाट विश्वासको मत लिँदैछन् ।
संसदको आजको कार्यसूचीबारे सभाअध्यक्ष पशुपति शमशेर जबराले प्रधानमन्त्रीको विश्वासको मत लिनेबारे सदनलाई जानकारी गराई सकेका छन् ।