काठमाडौँ । आगामी वैशाख १० गते हुने उपनिर्वाचनको विषयमा छलफल गर्न जनता समाजवादी पार्टी (जसपा) को कार्यकारिणी समितिको बैठक आज (बुधबार) बस्दैछ ।
बैठक बालकुमारीस्थित पार्टी कार्यालयमा दिउँसो १ बजे बस्ने तयारी रहेको जसपाका कार्यकारिणी समिति सदस्य शिवलाल थापाले जानकारी दिए । बैठकमा वैशाख १० गते प्रतिनिधि सभाअन्तर्गत तीन वटा निर्वाचन क्षेत्रमा हुने उपनिर्वाचनमा पार्टीका तर्फबाट उम्मेदवारीलगायतका विषयमा छलफल हुने जनाइएको छ ।