आफ्नो नाम जोडेर फेक भिडियो अतिरन्जित गरेकोमा महेश बस्नेतको आक्रोश : कारबाहीका लागि साइवर ब्यूरोमा जाने

भिडियोमा देखिएको तनाव भने गएको स्थानीय चुनावको हो । माओवादी केन्द्रले सिन्धुपाल्चोकको चौताराको मेयरमा कृष्णप्रसाद सापकोटालाई टिकट दिएपछि असन्तुष्ट पक्षले रोक्न खोजेका थिए । त्यही भिडियो सामाजिक सञ्जालमा पोष्ट गरेर महेश बस्नेत वाइसीएलको कार्यकर्ताबाट खेदिएको भनिएको छ ।

माओवादी केन्द्रकै कार्यकर्ताबीच केही महिना अगाडि भएको तनावको भिडियो राखेर चरित्र हत्याको प्रयत्न गरिएकाले उजुरी दिने तयारी भएको बस्नेतको सचिवालयले जनाएको छ । यस्ता गतिविधि विरुद्ध आफुहरु साइवर अपराध अन्तरगत गएर फेक गतिविधि गर्नेलाई कारबाहीको माग गर्ने जनाइएको छ।