काठमाडौं : सरकारले सन् २०२५-३५ लाई आन्तरिक रोजगार प्रवर्द्धन दशकको घोषणा गरेका छ। श्रम, रोजगार तथा सामाजिक सुरक्षा मन्त्रालयको आयोजनामा आज पाँचौं राष्ट्रिय श्रम तथा रोजगार सम्मेलनमा प्रधानमन्त्री केपी शर्मा ओलीले आन्तरिक रोजगार प्रवर्द्धन दशकको शुभारम्भ गर्नु भएको हो।
कार्यक्रममा राष्ट्रिय रोजगार प्रवर्द्धन कार्यक्रमको समेत शुभारम्भ भएको घोषणा गरिएको छ। श्रम मन्त्रालयले ‘उत्पादन र उत्पादकत्व विस्तार, आन्तरिक रोजगारीको दिगो आधार’ नारासहित सुरु भएको सम्मेलन आज र भोलि दुई दिनसम्म चल्नेछ।
देशमा उत्पादन र उत्पादकत्व वृद्धि गर्दै रोजगारी सिर्जनामा सरकार केन्द्रित हुन सम्मेलनले आवश्यक सल्लाह सुझाव दिनेछ।सम्मेलनबाट प्राप्त सुझावलाई आगामी आन्तरिक रोजगार प्रवर्द्धन दश वर्षे रणनीतिक योजनामा समावेश गर्ने मन्त्रालयको तयारी छ।