काठमाडौं ! प्रधानमन्त्री केपी शर्मा ओली आज सुनसरीको धरान जाँदै हुनुहुन्छ।
धरानस्थित बीपी कोइराला स्वास्थ्य विज्ञान प्रतिष्ठानको दीक्षान्त समारोहमा भाग लिन प्रधानमन्त्री ओली धरान जान लाग्नु भएको हो। प्रतिष्ठानले ८ वर्षपछि आज दिक्षान्त समारोह गर्दैछ। सन् २०१६ मा १२औं दीक्षान्त समारोह गरेको प्रतिष्ठानले आज १३औं दीक्षान्त गर्न लागेको हो। सोही कार्यक्रममा सहभागी हुन प्रधानमन्त्री ओली बिहान १० बजे बुद्ध एयरको जहाजमार्फत विराटनगर आउन लागेको प्रधानमन्त्रीको सचिवालयले जनाएको छ।
कार्यक्रममा प्रतिष्ठानका कुलपति एंवम प्रधानमन्त्री केपी शर्मा ओलीले विभिन्न संकायका ६५७ जना विद्यार्थीहरु दीक्षित गर्ने प्रतिष्ठानले जनाएको छ।