काठमाडौं ! नेपाल आयल निगमले पेट्रोलियम पदार्थको मूल्य घटाएको छ । निगमको सोमबार बसेको संचालक समितिको बैठकले राति १२ बजेदेखि नै लागु हुने गरि पेट्रोलियम पदार्थको मूल्य घटाएको हो ।
जस अनुसार निगमले डिजेल, मटीतेल र हवाई इन्धनको मूल्य लिटरमा १० रुपैयाँ घटाएको छ । पेट्रोलको मूल्य भने प्रति लिटर ३ रुपैयाँ घटेको छ । खाना पकाउने ग्याँसको मूल्य भने हाललाई यथावत राखिएको छ ।
नयाँ मूल्य सूची अनुसार अब पेट्रोल प्रति लिटर १७५ रुपैया, डिजेल र मट्टीतेल प्रति लिटर १६५ रुपैयाँ पर्ने छ । खान पकाउने ग्यास भने प्रति सिलिन्डर १८ सय रुपैयाँ यथावत छ ।
