काठमाडौं ! जसपाका गण्डकी प्रदेश सदस्य बेनिराम महतो एमालेमा प्रवेश गर्नु भएको छ। नवलपुर मध्यबिन्दु- २ निवासी महतो हिजो शुक्रबार भक्तपुरमा आयोजित एक कार्यक्रमका बीच एमालेमा प्रवेश गर्नु भएको हो।
महतोलाई नेकपा (एमाले) का अध्यक्ष केपी शर्मा ओलीले पार्टिमा खादा लगाएर भित्र्याउनु भएको थियो। प्रवासबाट फर्किएर आएका पार्टी सदस्यहरुको प्रथम भेलाबाट अध्यक्ष ओलीले उहाँलाई एमालेमा भित्र्याउनु भएको हो। उक्त भेला हिजो भक्तपुरको गट्ठाघर स्थित जर्मन होम्स हस्पिटालिटिमा भएको थियो।
नेकपा(एमाले) प्रवेशपछि संक्षिप्त्त प्रतिक्रिया दिदै महतोले नेकपा एमाले देशकै ठुलो र देश बनाउने पार्टी भएकोले आफू प्रवेश गरेको उहाँले बताउनु भयो। पार्टी अध्यक्ष केपी ओली जत्तिको राजनेताको उपस्थितिमा आफू एमाले प्रवेश गर्न पाउँदा भाग्यमानी महसुस गरेको बताउनु भयो। महतोलाई एमालेमा भित्र्याउन रिटर्नी फेडेरेशन नेपालका नवनिर्वाचित उपाध्यक्ष नेत्र थनेतले भुमिका खेल्नु भएको हो। थनेत एमालेको युवा नेताका साथै युवा व्यवसायी पनि हुनुहुन्छ ।उहाँलाई हिजोको उक्त भेलाले उपाध्यक्षमा निर्वाचित गरेको छ। 
