काठमाडौं ! नेकपा एकीकृत समाजवादी नेकपा एस का दुईजना केन्द्रीय सदस्य सहित ठूलो संख्यामा नेताहरु सिन्धुपाल्चोकमा एमाले प्रवेश गर्नु भएको छ ।
केन्द्रीय सदस्य सुभाष कर्माचार्य र उपेन्द्र तामाङसहित सिन्धुपाल्चोकका सयौँ नेता तथा कार्यकर्तालाई महासचिव शंकर पोखरेल,स्थायी कमिटी सदस्य शेरबहादुर तामाङ र जिल्ला इन्चार्ज गोकुल बाँस्कोटाले एमालेमा स्वागत गर्नुभएको छ ।
एमाले प्रवेश गर्नेहरूमा केन्द्रीय कमिटी, प्रदेश कमिटी, जिल्ला कमिटी, पालिका र वडा तथा विभिन्न जनवर्गीय संगठनहरूमा आवद्ध नेता तथा कार्यकर्ताहरू हुनुहुन्छ।
उहाँहरु सबैले माधव नेपाल कम्युनिस्टको नाममा दक्षिणपन्थी यात्रामा रहेकोले आफुहरु पुरानै घर फर्किएको जनाउनु भएको छ। उहाँहरुले माधव नेपालको पार्टी नभएर एउटा सानो समूहको क्लब रहेको ठोकुवा गर्नुभयो।