घोराही । दाङमा नेपालीका नेताकार्यकर्ता नेकपा (एमाले) मा प्रवेशको लहर चलेको छ ।
दाङ देउखुरी राप्ती गाउँपालिका–४ मौरीघाट निवासी नेपाली काँग्रेसका क्षेत्रीय प्रतिनिधिद्वय बुद्धिप्रकाश चौधरी र चित्रम चौधरी सहितका नेताकार्यकर्ता आइतबार एमालेमा प्रवेश गर्नुभएको छ ।
नेकपा (एमाले) राप्ती गाउँपालिका कमिटीले पिपरीमा आयोजना गरेको पार्टी प्रवेश कार्यक्रममा ठूलो संख्यामा नेपाली काँग्रेसका नेताकार्यकर्तालाई एमालेका पोलिटव्यूरो सदस्य एवं दाङ जिल्ला इन्चार्ज नरुलाल चौधरीसहितका नेताहरूले पार्टीमा स्वागत गर्नुभयो ।
नवप्रवेशी बुद्धिप्रकाश चौधरी नेपाली काँग्रेसका नेता श्रीनारायण चौधरीका छोरा हुनुहुन्छ । द्वन्द्वकालको समयमा श्रीनारायणलाई माओवादीले हत्या गरेको थियो ।
