काठमाडौं ! नेपाली कांग्रेस मुगु जिल्ला पुर्व उप-सभापति नन्द प्रसाद आचार्य सहितको समुह नेकपा(एमाले)मा प्रवेश गर्नुभएको छ। आज सांझ एमाले अध्यक्ष ओली निवासमा पुगेर उहाँहरु एमालेमा प्रवेश गर्नुभएको हो। नेता नन्द प्रसाद आचार्य सहितको टिमलाई अध्यक्ष ओलीले टीका र खादा लगाएर पार्टीमा स्वागत गर्नुभएको थियो। उक्त अवसरमा मुगुबाट प्रतिनिधि सभाका सांसद एवं एमाले नेता मोहन बानियाँ लगायतका नेताहरु उपस्थित हुनुहुन्थ्यो। 
