काठमाडौं ! जनता समाजवादी पार्टीका विभिन्न ओहोदामा रहेका नेताहरु एमालेमा प्रवेश गर्नुभएको छ। उहाँहरु आज एमाले अध्यक्ष केपी शर्मा ओलीको बालकोट स्थित निजि निवासमा पुगेर एमाले प्रवेश गर्नुभएको हो। एमाले प्रवेश गर्नेहरुमा काशिम अली सिद्धुकी -संविधान सभा सदस्य एवं केन्द्रीय सदस्य जसपा (बर्दिया),आशा चतुर्वेदी -संविधान सभा सदस्य एवं केन्द्रिय सदस्य जसपा (पर्सा), स्वेता श्रीबास्तब – प्रदेश कमिटि सदस्य जसपा (लुम्बिनी प्रदेश) लगायतका नेताहरु रहनु भएको छ।
उहाँहरुलाई एमाले अध्यक्ष ओलीले पार्टीमा स्वागत गर्नुभएको हो। उक्त अवसरमा एमाले उपाध्यक्ष बिष्णु पौडेल लगायतका नेताहरु सहभागी हुनुहुन्थ्यो। संघिय र प्रदेश सभाको निर्वाचन मिति घोषणा भएसँगै एमाले प्रवेश गर्नेहरुको लहर चल्न थालेको छ। 
