काठमाडौं ! सरकारको नीति तथा कार्यक्रममाथि आज पनि सदनमा छलफल जारी रहने भएको छ ।
गत ५ जेठमा राष्ट्रपति रामचन्द्र पौडेलले संयुक्त सदनमा प्रस्तुत गरेको आर्थिक वर्ष २०८०–८१ को नीति तथा कार्यक्रममाथि आज पनि छलफल जारी रहने भएको हो । बैठक बिहान ११ बजे बस्नेछ ।
आइतबारदेखि नीति तथा कार्यक्रममाथि सदनमा छलफल चलिरहेको छ । छलफलमा भाग लिने सत्तापक्षका सांसदहरूले नीति तथा कार्यक्रमको प्रशंसा गरिरहेका छन् भने विपक्षी सांसदहरूले आलोचना ।
एमालेले त यो नीति तथा कार्यक्रम पास हुनै नदिने घोषणा गरेको छ ।