काठमाडौं । लुम्बिनी प्रदेशका मुख्यमन्त्री जोखबहादुर महराले आज पद तथा गोपनीयताको शपथ ग्रहण गर्ने भएका छन् ।
प्रदेश प्रमुखको कार्यालय, बुटवलमा दिउँसो १ः४५ बजे मुख्यमन्त्री महराले प्रदेश प्रमुख अमिक शेरचनसमक्ष शपथ लिने तय भएको हो ।
संघको सत्तासमीकरण परिवर्तनलगत्तै कांग्रेसका तर्फबाट मुख्यमन्त्री नियुक्त डिल्लीबहादुर चौधरीले राजीनामा दिएका थिए । उनको राजीनामालगत्तै महरा प्रदेशसभाका ४८ प्रदेशसभा सदस्यको समर्थनमा शुक्रबार महरा मुख्यमन्त्रीमा नियुक्त भएका थिए ।