झापा – नेकपा एमालेका अध्यक्ष केपी शर्मा ओली झापा-५ बाट भारी मतान्तरसहित विजयी हुनु भएको छ।
मतगणनाको अन्तिम परिणाम अनुसार अध्यक्ष ओलीले ५२ हजार ३१५ मतले विजय हासिल गर्दा गठबन्धनका उम्मेदवार खगेन्द्र पाण्डव अधिकारीले २३ हजार ७४१ मत पाउनु भएको छ । अध्यक्ष ओली र अधिकारीको मतान्तर २८ हजार ५७४ मतको अन्तर रहेको छ ।
यो क्षेत्रमा १ लाख ५४ हजार २८९ मतदाता थिए । जम्मा मत खसेको ९८६३१ हो । जसमा बदर मत ५११७ रहेकाे छ । ६६.२० प्रतिशत मत खसेको हो ।
अध्यक्ष ओली २०४८,२०५१, २०५६, २०७०,२०७४ र अहिले २०७९ मा यसै क्षेबाट बिजयी हुनु भएको हो ।