काठमाडौं ! सिटी होटेल लिमिटेडले सर्वसाधारणलाई निष्काशन गरेको आईपिओमा आवेदन दिने आज वैशाख २८ गते अन्तिम दिन रहेको छ । कम्पनीले वैशाख २५ गतेदेखि आम सर्वसाधारणलाई आईपिओ बिक्री खुला गरेको हो ।
कम्पनीले ८३ हजार ७ सय कित्ता सामुहिक लगानी कोषहरुलाई, र कम्पनीका कर्माचारीलाई ६६ हजार ९ सय ६० कित्ता शेयर छुट्याईएर बाँकि रहेको १३ लाख ५५ हजार ९ सय ४० कित्ता शेयरको सर्वसाधारणलाई निष्काशन गरेको हो । आईपिओमा न्यूनतम १० कित्ता र अधिकतम २००० कित्ताको लागि आवेदन दिन सकिने छ। शेयर निष्काशनको लागि ग्लोबल आईएमई क्यापिटल बिक्री प्रबन्धक रहेको छ ।
कम्पनीले यस अघि नै विदेशमा कार्यरत नेपाली श्रमिकलाई शेयर निष्काशन गरि बाँडफाँड गरिसकेको छ ।
अमेरिकामा रहेको ह्यात होटेल कर्पोरेशनको चेन ब्राण्डको रुपमा विश्वका विभिन्न देशहरुमा १,००० ओटा भन्दा बढि अन्तराष्ट्रिय स्तरको ह्यात होटलहरु स्थापना भइ सञ्चालन भइरहेका छन् । सोहि अन्तराष्ट्रिय ब्राण्डको रुपमा ह्यात प्लेस सोल्टिमोडमा पाँच तारे होटलको रुपमा सञ्चालनमा आएको हो ।