काठमाडौँ । सुपर माई हाइड्रोपावरको आईपीओ बाँडफाँट भएको छ । कम्पनीले गत माघ २३ गतेदेखि २६ गतेसम्म सर्वसाधारण लगानीकर्ताहरुका लागि बिक्री खुल्ला गरेको ४१ हजार ५ सय कित्ता साधारण सेयर शुक्रबार बाँडफाँट भएको हो ।
गोलाप्रथामार्फत भएको आईपीओ बाँडफाँटमा ४ हजार एक सय ५० जना सर्वसाधारणले १०÷१० कित्ताका दरले कम्पनीको सेयर हात पारेका छन् । आइपीओका लागि कुल १३ लाख २२ हजार ४ सय ९२ जनाले आवेदन दिएका थिए । जसमध्ये ४ हजार १ सय ७२ जनाको आवेदन रद्द भएको बिक्री प्रबन्धक सानिमा क्यापिटलले जनाएको छ ।
कम्पनीले माघ २३ गतेदेखि २६ गतेसम्म सर्वसाधारणका लागि ४१ हजार ५०० कित्ता साधारण सेयर (आइपीओ) बिक्री खुला गरेको थियो ।