काठमाडौं ! मंगलबार सुनचाँदीको भाउ घटेको छ । सोमबार प्रतितोला छापावाला सुनको मूल्य १ लाख ४५ हजार रुपैयाँमा कारोबार भएको थियो ।
आज तोलामा ९०० रुपैयाँ घटेर प्रतितोला १ लाख ४४ हजार १०० रुपैयाँमा सुनको कारोबार भइरहेको छ ।त्यसैगरी, यो दिन तेजावी सुन प्रतितोला १ लाख ४३ हजार ४ रुपैयाँमा खरिदबिक्री भइरहेको नेपाल सुनचाँदी व्यवसायी महासंघले बताएको छ ।
यसैगरी, यो दिन चाँदीको मूल्य ५ रुपैयाँले घटेको छ। आज चाँदी प्रतितोला १ हजार ८८५ रुपैयाँमा कारोबार भइरहेको छ । महासंघले आज प्रति १० ग्राम छापावाल सुनको मूल्य १ लाख २३ हजार ५४५ रुपैयाँ, प्रति १० ग्राम तेजावी सुनको मूल्य १ लाख २२ हजार ९४५ रुपैयाँ र प्रति १० ग्राम चाँदीको मूल्य १ हजार ६१६ रुपैयाँ तोकेको छ ।