काठमाडौं ! आइतबार पहेंलो धातु सुनको मूल्य बढेको छ । यो दिन छापावाला सुनको भाउ तोलामा ५०० रुपैयाँले बढेको हो ।
आइतबार छापावाला सुनको भाउ प्रतितोला १ लाख ३८ हजार ४०० रुपैयाँ पुगेको छ । अघिल्लो कारोबार दिन अर्थात् शुक्रबार सुनको भाउ प्रतितोला १ लाख ३७ हजार ९०० रुपैयाँमा कारोबार भएको थियो ।
त्यस्तै आज तेजावी सुनको भाउ पनि ५०० रुपैयाँले नै बढेको छ । आइतबार तेजावी सुन प्रतितोला १ लाख ३७ हजार ७५० रुपैयाँमा कारोबार भइरहेको छ ।
चाँदीको भाउ १० रुपैयाँ प्रतितोलाका दरले बढेको छ । यस दिन चाँदी तोलामा १ हजार ७२५ रुपैयाँमा कारोबार भइरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाल सुनको मूल्य १ लाख १८ हजार ६५५ रुपैयाँ, प्रति १० ग्राम तेजावी सुनको मूल्य १ लाख १८ हजार ९५ रुपैयाँ र प्रति १० ग्राम चाँदीको मूल्य १ हजार ४७९ रुपैयाँ तोकेको छ ।