काठमाडौं ! आइतबार नेपाली बजारमा सुनको मूल्य सामान्य बढेको छ । आज सुन प्रतितोला सय रुपैयाँले बढेको हो ।
नेपाल सुनचाँदी व्यवसायी महासङ्घका अनुसार आइतबार छापावाल सुनको मूल्य तोलाको एक लाख ८९ हजार ७ सय रुपैयाँमा कारोबार भइरहेको छ । अघिल्लो कारोबार दिन शुक्रबार सुन तोलाको एक लाख ८९ हजार ६ सय रुपैयाँमा कारोबार भएको थियो।
यस्तै, आज चाँदीको मूल्य भने घटेको छ । आज चाँदी १० रुपैयाँले घटेको हो । महासंघको अनुसार आज चाँदी एक हजार ९९० रुपैयाँमा कारोबार भइरहेको छ । शुक्रबार चाँदी दुई हजार रुपैयाँमा कारोबार भएको थियो।
आज प्रति १० ग्राम सुनको मूल्य एक लाख ६२ हजार ६३५ रुपैयाँ र प्रति १० ग्राम चाँदीको मूल्य एक हजार ७०६ रुपैयाँ कायम भएको छ ।