काठमाडौं ! म्यानचेस्टर सिटी एफए कपको फाइनल प्रवेश गरेको छ।
वेम्बलीमा गएराती भएको सेमिफाइलन खेलमा सेफिल्ड युनाइटेडलाई पराजित गर्दै सिटी फाइनलमा पुगेको हो।
सिटी ३–० ले विजयी भएको खेलमा सबै गोल रियाद महारेजले गरेका हुन्।
खेलको ४३ औं मिनेटमा पेनाल्टीमार्फत गोल गर्दै महारेजले सिटीलाई सुरूवाती अग्रता दिलाए।
दोस्रो हाफको ६१ औं र ६६ औं मिनेटमा गोल गर्दै महारेजले ह्याट्रिक पूरा गरेका हुन्।
सिटीले उपाधिका लागि ब्राइटन र म्यानचेस्टर युनाइटेडबीचको विजेतासँग खेल्ने छ।