काठमाडौँ ! नेकपा एमालेका अध्यक्ष केपी शर्मा ओलीले कलाकार राजनीतिमा आउनु स्वागतयोग्य रहेको बताउनु भएको छ । फिल्म निर्मात्री शर्मिला पाण्डेलाई पार्टी प्रवेश गराउनेबारे छलफल गर्न पार्टी केन्द्रीय कार्यालय च्यासलमा भएको भेटमाअध्यक्ष ओलीले यस्तो बताउनु भएको हो ।
साथै उहाँले कलाकार राजनीति आउनु जरुरी भएको समेत बताएको ओलीलाई उद्धृत गर्दै पाण्डेले जनाउनु भयो । पछिल्लो समय हलमा रिलिज भएको फिल्म ‘चिसो मान्छे’ र यसअघिको ‘आमा’बारे आफूले धेरै कुरा सुनेको बताउँदै अध्यक्ष ओलीले ती फिल्म हेर्ने इच्छा समेत व्यक्त गर्नुभयो ।
