काठमाडौं । नेकपा एमालेले आगामी मंसिर १४ गतेदेखि मध्य पहाडी लोकमार्ग केन्द्रित बैतडीको झुलाघाटबाट विशेष अभियान चलाउने निर्णय गरेको छ ।
उक्त अभियान बैतडीको झुलाघाटबाट सुरु भएर पाँचथरको चिवाभञ्ज्याङमा पुगेर समाप्त हुनेछ ।
केन्द्रीय कार्यालय च्यासलमा आज बुधबार बसेको केन्द्रीय सचिवालय बैठकले तीन हप्ता लामो लोकमार्ग केन्द्रित अभियान सञ्चालन गर्ने निर्णय गरेको हो ।
आजको सचिवालय बैठकले पार्टी केन्द्रीय कमिटीको बैठक आगामी मंसिर ६ गते काठमाडौंमा गर्ने निर्णय गरेको छ।