काठमाडौंं । नेकपा (एमाले)ले आसन्न उपनिर्वाचनका लागि शनिबार (भोलि) उमेदवारको टुंगो लगाउने भएको छ । पार्टीको सचिवालय बैठक बसेर उमेदवार टुंगो लगाइने उपमहासचिव विष्णु रिमालले जानकारी दिए ।
उनका अनुसार आजसम्म जिल्लाबाट आकांक्षीहरूको नाम सिफारिस हुने र भोलि बैठक बसेर उपनिर्वाचन हुन लागेका तीनै क्षेत्रमा उमेदवार तय गरिनेछ ।
बारा क्षेत्र नम्बर–२, चितवन–२ र तनहुँ–१ मा आउँदो वैशाख १० गते उपनिर्वाचन हुँदै छ ।