काठमाडौं । नेकपा (एमाले)ले यही १५ असोजदेखि हुने विधान महाधिवेशनका बारेमा जानकारी गराउन पत्रकार सम्मेलन आयोजना गर्ने भएको छ।
भोलि (बिहीबार) दिउँसो २ बजे नयाँ बानेश्वरस्थित अल्फा हाउसमा महाधिवेशनबारे जानकारी गराउन पत्रकार सम्मेलन आयोजना गरिएको महाधिवेशन प्रचार समितिका संयोजक खिमलाल भट्टराईले सभ्य खबरलाई बताउनु भयो ।
नेकपा एमालेले विधान महाधिवेशनको लागि तयारी अन्तिम चरणमा पुगेको बताएको छ।यसका लागि देशभरिबाट प्रतिनिधिहरु काठमाडौ आउने क्रम सुरु भैसकेको छ।