धनगढी ! नेकपा एमाले धनगढी उपमहानगरपालिका वडा न.०८ क्याम्पस रोडमा पार्टी वडा सम्पर्क कार्यालयको आज उद्घाटन गरिएको छ। स्थानीय निर्वाचन लक्षित गरेर वडामा हुने पार्टीका सम्पुर्ण गतिविधिहरु यसै कार्यालयबाट संचालन गर्ने हेतुले आज उक्त कार्यालयको उद्घाटन गरिएको हो।
उक्त कार्यालयको नेकपा एमाले केन्द्रिय निर्वाचन विभागका सदस्य रण बहादुर चन्दले उद्घाटन गर्नुभएको छ। प्रमुख अतिथी समेत रहनु भएका चन्दले रिबन काटेर वडा सम्पर्क कार्यालयको उद्घाटन गर्नुभएको हो। उक्त कार्यक्रमको अध्यक्षता वडाका पार्टी कमिटी अध्यक्ष नरेन्द्र रानाले गर्नुभएको थियो। उक्त कार्यक्रमको अतिथिहरुमा एमाले कैलाली जिल्ला कमिटी सचिवालय सदस्य बिष्णु चन्द,जिल्ला कमिटी सदस्यहरु चुडामणी भट्ट,कमलसिं राना,उमेश गिरी,लालमनि राना,निरासुदेवी राना,कन्दकला राना त्यसैगरी अतिथिमा एमाले धनगढी नगर अध्यक्ष रामचन्द्र जोशी, एमालेका युवा नेता तिर्थ भट्टराई,नगरका सचिवालय सदस्य लगायत सदस्यहरु,रास्ट्रीय युवासंघ नेपाल धनगढी उपमहानगरका अध्यक्ष अभिषेक नाथ,वडाका सदस्यहरु लगायत वडामा रहने एमाले समर्थित नेता कार्यकर्ताहरुको उल्लेख्य उपस्थिति रहेको थियो। 
