काठमाडौं । नेकपा एमाले उपाध्यक्ष विष्णु पौडेलसहित चार नेता चीन प्रस्थान गरेका छन् । चीनको कुन्मिङमा आयोजना हुने ‘इकोनोमिक को अपरेसन एण्ड कल्चरल एक्सचेन्ज’ कार्यक्रममा सहभागी हुन उनीहरु त्यसतर्फ हिडेको जनाइएको छ ।
चीन प्रस्थान गर्ने नेताहरुमा उपाध्यक्ष विष्णु पौडेल, स्थायी कमिटी सदस्य काशीनाथ अधिकारी, एमाले लेखा आयोगका अध्यक्ष पुष्पराज कंडेल र केन्द्रीय सदस्य मीना रखाल रहेका छन् ।
उनीहरु कार्यक्रमको समापनपछि यही चैत १४ गते स्वदेश फर्कने एमालेले जनाएको छ ।