काठमाडौं ! मंसिर ४ मा भएको प्रतिनिधिसभा सदस्य निर्वाचनको समानुपातिकतर्फको मतगणना जारी रहेको छ ।
निर्वाचन आयोगका अनुसार शनिबार बिहानसम्म समानुपातिकमा नेकपा एमालेको अग्रता कायम रहेको छ ।
मतगणनामा सुरुवातदेखि नै अग्रता लिइरहेको एमालेले शनिबार बिहानसम्म १७ लाख १८ हजार १२३ मत पाउँदै शीर्ष स्थानमा रहेको आयोगले जनाएको छ ।
यसैगरी, नेपाली कांग्रेस १६ लाख ४९ हजार २९२ मतसहित दोस्रो स्थानमा रहँदा राष्ट्रिय स्वतन्त्र पार्टी ७ लाख ५० हजार ७५७ मतसहित तेस्रो स्थानमा रहेको आयोगले जनाएको छ ।
नेकपा माओवादी ७ लाख २९ हजार २६५ मतसहित चौथो स्थानमा रहेको छ भने राप्रपा ३ लाख ८३ हजार ४७० मतसहित पाँचौ स्थानमा रहेको छ ।