काठमाडौं ! अध्यागमन विभागका महानिर्देशक झलकराम अधिकारी गृह मन्त्रालय तानिएका छन्। गृह मन्त्रालयले आज उनलाई मन्त्रालयमा तानेको छ ।
अधिकारीले सुन तस्करीमा संलग्न भनिएका चिनियाँ नागरिक दावासँग कुराकानी गरेको सार्वजनिक भएपछि उनलाई मन्त्रालयमा तानिएको हो। सिधाकुराले अधिकारी र दावाबीच चिनियाँ सामाजिक सन्जाल वी–च्याटमा कुराकानी भएको सार्वजनिक गरेको थियो ।
उनी १६ फागुन २०७९ मा अध्यागमन विभागको महानिर्देशक बनेका थिए। त्यस अघि उनी राजस्व अनुसन्धान विभागको महानिर्देशक थिए । उनलाई गृह मन्त्रालयमा ल्याएर तत्कालै विभागको महानिर्देशक बनाइएको थियो।