काठमाडौं ! चेन्नई सुपरकिंग्स आइपिएल २०२३ को शीर्ष स्थानमा उक्लिएको छ।
आइतबार राति भएको खेलमा कोलकता नाइट राइडर्सलाई ४९ रनले पराजित गर्दै चेन्नई १० अंक जोडेर शीर्ष स्थानमा पुगेको हो। कोलकता ४ अंकसहित आठौं स्थानमा छ।
कोलकताको इडन गार्डेनमा टस हारेर पहिले ब्याटिङ गरेको चेन्नईले ४ विकेटको क्षतिमा २३५ रन जोड्यो।
चेन्नईका लागि डेवन कनवेले ५६ रन, अजिन्का राहाणेले ७१ रन र शिभम् दुवेले ५० रनको योगदान गरे।
२३६ रनको लक्ष्य पछ्याएको कोलकताले २० ओभरमा ८ विकेटको क्षतिमा १८६ रन जोड्यो।
कोलकताका जासन रोएले ६१ रन जोड्दा रिन्कु सिंहले नटआउट ५३ रन जोडे।
बलिङमा चेन्नईका तुसार देशपाण्डे र महीस तिक्षनाले २-२ विकेट लिए।