काठमाडौँ – नेपालमा पछिल्लो २४ घण्टामा थप ८१४ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका अनुसार कोरोनाबाट पछिल्लो २४ घण्टामा कसैको पनि मृत्यु भएको छैन। हालसम्म देशभर कोरोनाबाट ११ हजार ९६८ जनाले ज्यान गुमाएका छन्।
मंगलबार २९९ जना कोरोना संक्रमणमुक्त भएका छन्। हाल देशभर ५ हजार १४४ कोरोनाका सक्रिय संक्रमित रहेको स्वास्थ्य मन्त्रालयले जानकारी दिएको छ।
गत २४ घण्टामा देशभर २ हजार ७६२ पीसीआर तथा २ हजार ६५३ एन्टिजेन परीक्षण भएको छ।