काठमाडौं ! नेपाली कांग्रेसको केन्द्रीय समिति बैठक आज (बिहीबार)देखि बस्दैछ । यसअघि २ असोजका लागि तय भएको बैठक आजदेखि पार्टी कार्यालय सानेपामा शुरू हुन लागेको हो ।
बैठकमा समसामयिक राजनीति, आन्तरिक पार्टी संरचनालगायत विषयमा छलफल हुने कांग्रेसले जनाएको छ ।
आज बस्ने बैठकमा पार्टीबाट सरकारका सहभागी मन्त्रीले गरेका काम/कारबाहीबारे समीक्षा हुनेछ । त्यस्तै मंसिर १३ गतेदेखि काठमाडौंमा हुने महासमिति बैठकमा छलफल हुने एजेन्डाबारे पनि छलफल हुनेछ ।