गण्डकीमा प्रदेश मन्त्रीले गरे काङ्ग्रेसको भन्डाफोर : भने काङ्ग्रेसले राजनैतिक बेइमानी गर्यो

११ मन्त्रालयमा नै नियुक्ति भइसकेको अवस्थामा आफ्नो पार्टीले एक मन्त्रालय पाउने संभावना कम देखेको उनले बताए । ‘दुई मन्त्री पाउने संभावना दिए छ, नदिए सकियो,’ उनले भने,‘११ मन्त्रालयमा सबै ठाउँमा नियुक्ति भइसक्यो, अब १२ बनाउने एउटा ठाउँ छ तर त्यसले राम्रो म्यासेज जाँदैन, अर्को मन्त्रालय थप्ने कुरा राजनीतिक र व्यवहारिक रुपमा सजिलो छैन ।’ सहमतिअनुसार दुई मन्त्रालय नदिएर आफूहरुमाथि अन्याय गरेको उनले बताए । ‘हामीमाथि अन्याय भयो, राजनीतिक रुपमा नकारात्मक हिष्ट्री बनाउनुभयो, कांग्रेस यस्तै छ भन्ने हामीले बुझेका छौं,’ उनले भने ।