कैलाली । जिल्लाका दुई ठाउँमा बिहानै शंकास्पद वस्तु (कुकर बम र बमजस्तै वस्तु) फेला परेको छ । नेत्रविक्रम चन्द विप्लव नेतृत्वको नेकपासहितका दलले आज नेपाल बन्दको आह्वान गरेका छन् । उक्त शङ्कास्पद वस्तु त्यही समूहले राखेको हुनसक्ने प्रहरीको अनुमान छ ।
गोदावरी नगरपालिका–१ अत्तरियास्थित मोहनापुल–अत्तरिया ६ लेन सडक खण्डमा कपडामा बेरिएको शंकास्पद वस्तु भेटिएको छ । यसैगरी पूर्व–पश्चिम राजमार्ग अन्तरगत हरैया शिविर नजिकै कुकर बमजस्तो शङ्कास्पद वस्तु फेला भेटिएको छ ।
शंकास्पद वस्तु भेटिएपछि राजमार्गमा सवारी आगागमन प्रभावित भएको छ । उक्त वस्तु निस्क्रिय पार्न नेपाली सेनाको टोलीलाई बोलाइएको जिल्ला प्रहरी कार्यालय, कैलालीले जनाएको छ ।
बन्दका कारण कैलाली तथा सुदूरपश्चिमका अन्य जिल्लामा लामो तथा छोटो दुरीका सवारी साधन चल्न सकेका छैनन् । साथै स्कुल तथा कलेजहरु पनि बन्द छन् ।